समय समाज वाःपौ १६ क्वःगु वार्षिकोत्सव

ख्वप (नेपालभाषा टाइम्स) – थनं पिहां वयाच्वंगु समय समाज राष्ट्रिय वाःपौ १६ दँ क्यंगु लसताय् लसता हनालिसें पुरस्कार लःल्हायेगु ज्याझ्वः जुल । समय समाज प्रकाशन प्रा.लि.पाखें पिदना वयाच्वंगु वाःपौ १६दँ क्यंगु लसताय् वंगु माघ १ गते छगू ज्याझ्वः याःगु खः ।

ज्याझ्वलय् ताःई न्ह्यवंनिसें पत्रकारिता ख्यलय् सक्रिय जुयाः योगदान बिया वयाच्वंगु धासें रफत संचार क्लबया अध्यक्ष सुशीलबन्धु थापायात क्रियाशील पत्रकारिता पुरस्कारपाखें सम्मान या:गु खः । बागमति प्रदेशसभ सदस्य शशीजंग थापां पत्रकार थापायात दोसल्लां न्ययेकाः, तकः तपुलिं पुइकाः ५,५५५/- तका दांया क्रियाशील पत्रकारिता पुरस्का लःल्हानादीगु खः । अथे हे वाःपौया व्यवस्थापक सृजना खतिवडायात उत्कृष्ट कर्मचारी सम्मान स्वरुप निद्वः व न्यातका दांया पुरस्कार लःल्हाःगु खः ।

प्रदेशसभा सदस्य थापां समाचारा मर्म थुइकाः पत्रकारिता यायेमाःगु खँय् बः बियादिसें सत्य, तथ्य, निष्पक्ष व बस्तुनिष्ठ जुयाः पत्रकारं समाचार सम्प्रेषण यानाः समाजया वास्तविक न्हाय्कं जुइत स्वयेमाः धयादिल । प्रकाशनया अध्यक्ष बालमुकुन्द सुवालया सभापतित्वय् जूगु ज्याझ्वलय्प्र देशसभा सदस्य सरस्वति बाटी, जिल्ला समन्वय समितिया प्रमुख नवराज गेलाल, उपप्रमुख सरिता कुँवर, चाँगुनारायण नगरपालिकाया प्रमुख सोम मिश्र लगायतं नं नुगःखँ तयादीगु खः ।