विविधभाषा ताहा ननिइ

थिमि(नेपालभाषा टाइम्स)-विविध भाषा साहित्य समाजया ग्वसालय् थुगुसी नीप्यक्वःगु विविध भाषा साहित्य सम्मेलन थनया ताहाननिइ जुइगु जूगु दु । थुगुसी ख्वप लागाय् कात्तिक ८ गते म्हपुजा हनीगु व वहे दिंकुन्हु न्हिनसिया १२ ताः इलय् उगु ज्याझ्वः जुइ ।

वंगु छुं दिं न्ह्यः जक ख्वपया तलेजुया पुजारी, गन्यमान्य व्यक्ति दथुइ जूगु सहलहकथं कात्तिक ७, ८ व ९ गते स्वन्हुयंकं झ्वःलिक स्वन्ति नखः हनेगु क्वःजिउकथं कात्तिक ८ गते विविध भाषा साहित्य सम्मेलन व सांस्कृतिक ब्वज्या जुइ ।

नेमकिपाया अध्यक्ष नारायणमान बिजुक्छेँ रोहितया प्रमुख आतिथ्यताय् साहित्य सम्मेलन जुइगु व व स्वयां न्ह्यः सुथय् छगू सांस्कृतिक ¥यालीं नगर परिक्रमा याइगु नं समाजं जानकारी बिउगु दु ।

विविध भाषा साहित्य सम्मेलनय् नेपालभाषालिसें तामाङ, मैथिली लगायत विविध भाषाया साहित्यिक रचनात पाठ याइगु खँ समाजं धाःगु दु ।