ने. सं. ११४६ दिल्लाथ्व नवमी -

हलिं नेवाः गुथिया अनुसन्धान कवः नीस्वन

येँ – हलिं नेवाः गुथिया अनुसन्धान कवः निस्वंगु दु। म्हिगः यलय् जूगु छगू मुँज्यां उपप्राध्यापक जीवन कुमार महर्जनया अध्यक्षताय् अनुसन्धान कवःया तदर्थ समिति नीस्वंगु खः । कवलय् तेजनारायण महर्जन सचिव जुयादीगु दुसा नेपालभाषा केन्द्रीय विभागया पुलांम्ह प्रमुख तुलसीलाल सिंह, धर्मगोविन्द महर्जन, नवीन थेच्वमि महर्जन दुजः कथं च्वनादीगु दु। थुगु कवलं नेवाःतय् भाषा, लिपि, कला, संस्कृति, संगीत, परम्परा सम्बन्धी अध्ययन अनुसन्धान याइगु खँ धाःगु दु। थुगु कवःपाखें खुला दुने वृहत्त भेला यानाः पूर्ण कमिटी दयेकेगु खँ धाःगु दु ।