नारायण परिवार क्लबया ४७ क्वःगु साधारण सभा

येँ(नेपालभाषा टाइम्स)÷ येँ महानगरपालिका वडा नं. १२ स्थित ओन्दे त्वालय् च्वंगु नारायण परिवार क्लबया ४७ क्वःगु साधारण सभा वंगु शनिवाः जुल । किपुलिइ च्वंगु जोशी ननि हेरिटेजय् जूगु साधारण सभां क्लबया न्हूगु ज्यासना पुचः नं ल्यःगु खः ।

क्लबया अध्यक्ष प्रचण्डमान वज्राचार्यया सभापतित्वय् जूगु साधारण सभाय् उपाध्यक्ष निरजकुमार महर्जनं लसकुस यानादीगु खःसा सदस्य सचिव सन्तकुमार महर्जनं आर्थिक दँ ०७८÷७९या कार्य प्रगति विवरण व कोषाध्यक्ष रिना सिं आर्थिक प्रतिवेदन न्ह्यब्वयादीगु खः ।

साधारण सभाया न्हापांगु सत्र क्वचायेवं निगूगु सत्रं क्लबया न्हूगु ज्यासना पुचःया ल्यज्या याःगु खः । न्हूगु ज्यासना पुचः ल्ययेत क्लबया पुलांम्ह नायःलिसें सल्लाहकार निर शाक्यया संयोजकत्वय् निर्वाचन कमिटी गठन याःगु खः ।

न्हूगु ज्यासना पुचलय् प्रचण्डमान वज्राचार्य नायः, निरजकुमार महर्जन न्वकु, सन्त कुमार महर्जन सदस्य सचिव, रिना सिं कोषाध्यक्ष, छोरीमैयाँ महर्जन (किरण) सहकोषाध्यक्षय् ल्यःगु दुसा दुजलय् द्वारिकामान महर्जन, गंगादेवी डंगोल, उमेश प्रजापति, सानुराजा प्रजापतियात ल्यःगु दु ।

न्हूगु ज्यासना पुचलय् पुष्परत्न प्रजापति व निर्मला शाक्ययात दुजलय् मनोनित याःगु दुसा निर शाक्य, चिरिबाबु महर्जन, नातिकाजी महर्जन व मचाकाजी महर्जनयात सल्लाहकार ल्यःगु दु । क्लबया १५ क्वःगु ज्यासना पुचलय् निर्वाचनं सकलें पदाधिकारी व दुजःपिं सर्वसम्मतं ल्यःगु खः ।

सम्बन्धित बुखँ

LEAVE YOUR COMMENTS