राष्ट्रपतिया मुद्दाय् कन्हय् सुनुवाइ

येँ– राष्ट्रपति विद्यादेवी भण्डारी विरुद्ध नागरिकता विधेयक प्रमाणीकरण मयाःगु धासें लाःगु मुद्दाया सुनुवाइ कन्हय् आइतवाः जक जुइगु जूगु दु ।

वंगु बिहीवा दर्ता जूगु न्यागू मुद्दाया पेशी म्हिगः क्वःछिनातःगु खः । तर न्यायाधीश मनोज शर्माया एकल इजलासय् पेशी क्वःछिनातःगु खःसां म्हिगः पाः मवयेवं आइतवाःया नितिं सरे जूगु खँ सर्वोच्च अदालतया प्रवक्ता विमल पौडेलं धयादीगु दु ।

सर्वोच्च अदालतय् बिहीवाः राष्ट्रपतियात विधेयक प्रमाणीकरणया नितिं परमादेश जारी यायेमाःगु माग यासें अधिवक्ता सुनिलरञ्जन सिंह, सुनिलकुमार यादव, विजय पोखरेल, सागर बराल व त्रिभुवन विश्वविद्यालय विद्यार्थी राज बराल

, काठमाडौं स्कुल अफ ल अध्ययन यानाच्वंम्ह अविनेश अधिकारी, मोरङया देव शर्मा व सोनु रौनियारं मंकाः व बिस्कं बिस्कं रिट तःगु खः । उमिसं तःगु रिटय् संघीय संसदं निक्वःखुसी पारित यानाछ्वःगु विधेयक संविधानया सीमा झिंन्यान्हुया दुने प्रमाणीकरण मयाःम्ह राष्ट्रपतियात प्रमाणीकरण या धइगु आदेश बीत माग यानातःगु दु ।

नेपालभाषा टाइम्स

च्वमिया मेमेगु

• धुँ जुजु बुद्धि, म्येय्‌जवाःया बुद्धि
• अमेरिकां लित बिल खुया यंकूगु निगू मूर्ति
• नेवाः हाइकु ख्यः न्हय्‌क्वःगु बुसादँ हना
• महाकवि सिद्धिदासया बुन्हिया लसताय् चिनाखँ व किपा च्वज्या कासा
• एनओएया रजत जयन्ती व न्हूधाः