समाजवाद गरुड पुराण मखु

प्र.म. ओलीया सरकार वइ । देशय् प्यखेरं आर्थिक विकासया नारा थ्वइ । देश आर्थिक विकासय् केन्द्रीत जुइत राजनैतिक स्थायीत्व, शान्तिया पूर्वावस्था माः । अनिवार्य जुइ । राजनीतिक चलखेल दाउपेचं ग्रस्त जुयाच्वंगु अवस्थाय् देशं आर्थिक विकासया गति काये फइमखु । विगतया राजनीतिक अराजक स्थितिं देय् गुगु दुरावस्थाय् थ्यन । थ्व तिक्त सत्यता स्वयम थ्व तथ्यया प्रमाण जुयाबी । तर राजनीतिक वृत्तय् न्हूगु विश्वासया चुलि जाया वइ ।

वंगु चुनावय् वाम एकतां शानदार बहुमत प्राप्त याइ । ओलिजुया नेतृत्वय् सरकार गठन जुइ । संसदय् वाम गठबन्धनया अत्याधिक मत दइ । आः सरकार गठन व विघटनया कासा जुइ फइमखु । सरकार स्थिर जुइ । दृढ जुइ । आः राजनीतिक खिचातानी, चलखेलया चरण अन्त्य जुल । देय् आः आर्थिक क्रान्तिया लँपुपाखे अग्रसर जुइ । न्ह्याःवनी । सरकारय् आसिन नेतृत्ववर्गं थौं आर्थिक विकास, उन्नतिया जोडतोडं खँ ल्हाइ । जनताया नुगलय् आर्थिक समृद्धिया आशा संचारित याइ ।

छता खँ । राजनीतिक वृत्तय् अझ नं शंका जुइ । चुनावय् एमाले व माओवादीं वाम एकताया नारा बी । चुनाव लिपा जिपिं छगू हे दल जुइ । निगुलि दलं घोषणा पत्रय् धाइ । जनताय् वनी । वाम एकतां बहुमत प्राप्त याइ । सरकार दयेकी । तर वाम एकताया चुनावी प्रतिज्ञा पूरा मजूनि । निगू दल छगू जुइ । जुइ । सम्बन्धित नेतातय्सं छखेरं विश्वास थनाच्वनी । ‘वाम एकता पनेत देशी विदेशी शक्तितसें अनेक षडयन्त्रया जाः ग्वयाच्वंगु दु ।’ मेखेर सम्बन्धित शीर्ष नेतातय्सं आशंका ह्वला च्वनी ।

कम्युनिष्ट सिद्धान्तलिसे गुलिखे मनूत सहमत जुइ वा मजुइ । व मेगु हे विषय जुइ । थःथःगु आस्थाया खँ जुइ । तर कम्युनिज्म धइगु थःगु हे मान्यता दुगु राजनीतिक, आर्थिक सिद्धान्त खः । थुकी विवाद दइ मखु । वाम एकता छगू हे दलय् रुपान्तरित जुयाः कम्युनिष्ट पार्टी जुलकि उगु पार्टीं कम्युनिष्ट आर्थिक सिद्धान्त नाली । नालेमाः ।

खः, राजनीतिइ अनेक पक्षं अनेक कोणं थःथःगु राजनीतिक कासा म्हिताच्वनी । थःथःगु पत्तात वांछ्वयाच्वनी । कासायात थःगु पक्षय् मोडे यायेगु कुतः यानाच्वनी । राजनीतिक चुनौति शुन्य । स्थिति सम्भव जुइमखु । मुख्य न्ह्यसः चुनौतिया मखु ।
चुनौतिलिसेया सामना नेतातसें गुगु प्रतिवद्धता, इमान्दारिता याइ । उकिया जुइ । थःगु नीति प्रतिवद्धता प्रति स्पष्ट जुइ मफु ताकि षडयन्त्रया आशंका ह्वलाः हौवा थनाः राजनीतियात क्वाकल ।

जनताया ध्यान आकर्षित यायेत स्वइ, चतुर नेताय्सं । तर थज्याःगु चतु¥याइँ नं देशय् राजनीतिक स्थिरता चीरस्थायी जुइ ला ? जुइ फइला ? थ्व न्ह्यसःया लिसः अझ नं स्पष्ट मजूनि । देय् राजनीतिक चलखेलं मुक्त हे जुल । छातिइ ल्हाः तयाः जनतां धाये फुगु स्थिति मवःनि ।वाम एकता कार्यान्वयन जुयाः गठन जूगु पार्टीया नां ‘नेपाल कम्युनिष्ट पार्टी’ जुइ । हल्ला वइ । ठीक जू । थःगु आस्था व विचार प्रतिविम्बित जुइकथं दलया नां तइ । ध्वाँय् ब्वयेकी । नांया औपचारिक, अलंकारिक अर्थय् नं छ्यः ।

नांया आकर्षणं मनूतय् नुगः सालेत स्वइपिं दु । तर ‘नेपाल कम्युनिष्ट पार्टी’या नांया सन्दर्भय् स्पष्ट जुइमाः थ्व । थ्व निश्चित, ठोस सिद्धान्तया सूचक खः । थ्व औपचारिक आलंकारिक खँग्वः जक मखु । कम्युनिष्ट सिद्धान्तलिसे गुलिखे मनूत सहमत जुइ वा मजुइ । व मेगु हे विषय जुइ । थःथःगु आस्थाया खँ जुइ । तर कम्युनिज्म धइगु थःगु हे मान्यता दुगु राजनीतिक, आर्थिक सिद्धान्त खः । थुकी विवाद दइ मखु ।

वाम एकता छगू हे दलय् रुपान्तरित जुयाः कम्युनिष्ट पार्टी जुलकि उगु पार्टीं कम्युनिष्ट आर्थिक सिद्धान्त नाली । नालेमाः । वर्गीय शोषण अन्त्य यानाः आम जनतायात आर्थिक न्याय बीगु कम्युनिष्ट पार्टीया सिद्धान्तया आधारभूत लक्ष्इ जुइ । जुइमाः । जुइ हे माः । अन्यथा धूलमूल नीतिं सिद्धान्तयात हास्यास्पद स्थितिइ थ्यंका बी ।

धाइ । आः देशय् न्हूगु वामपन्थी सरकारं आर्थिक क्रान्ति याइ । सरकार आर्थिक विकासय् केन्द्रीत जुइ । तर सक्कली कम्युनिष्ट सरकारं याइगु आर्थिक विकासया थःगु हे सैद्धान्तिक, वैचारिक आधार दइ । व आर्थिक विकास जुयां जक मगाः । निश्चित लक्ष्यप्रति प्रतिवद्ध जुइमाः । वामपन्थी सरकारं थौं आर्थिक क्रान्तिया खँ हइ । तर थम्हं नालेत्यंगु आर्थिक क्रान्तिया समाजवादी स्वरुप छु गुकथं जुइ ? स्पष्ट यायेमाः ।

गबलय्तक आम जनताया आर्थिक अवस्थायात थकाये फइमखु, आर्थिक विकास नं औचित्यहीन जुइ । कम्युनिज्म, समाजवादया ब्रान्डयात घानाः जनतायात ठगे यायेगु, शक्तिइ वनेगु स्वाहाने खंकेगु नं राजनीतिक ठगी खः । जुइ । सरकारं आर्थिक समृद्धिया राग जक थ्वयेकां मगाः । आर्थिक समृद्धि आम जनतापाखे लक्षित जुइमाः ।कम्युनिज्म, समाजवादयात गरुड पुराणकथं छ्यले मजिउ । थ्व ला इहलौकिक व जनकल्याणकारी जुइमाः ।