थिमिइ म्येप्वाः खनेगु जात्रा
- नेपालभाषा टाइम्स
- ११४२ यंलागा पारू
- किपा-रासस
थिमि (रासस)- येँयाःया झ्वलय् थिमिइ म्येप्वाः खनेगु जात्रा जुल । यँयाः पुन्हिया बहनी थिमिया दिगु भैरव न्ह्यःने वीरेन्द्रभक्त गजु श्रेष्ठं म्येप्वाः खंकूगु खः । भाजु श्रेष्ठं झिगू इञ्च ताःहाकःगु नतूचा म्येचय् तियाः झिंन्हय्प्वाः पाल्चा तयातःगु अर्धचन्द्राकार भ्येँ कुबियाः थिमि देय् चाःहिउगु खः ।
जात्रा क्वचायेकाः नतू तियाः प्वाःगंगु म्येचय् नासःद्यः परिसरया चा तयाबिउगु खः । थ्व चा तल धाःसा घाः पाके जुइमखु व याकनं लनी धयागु विश्वास यानातःगु दु ।
म्येप्वाः खनेगु निंतिं भाजु श्रेष्ठं स्ववाः न्ह्यः हे नतु दयेकेगु निंतिं समयबजि सहित पुजा बियाः मू नकःमि रामभक्त नकर्मीयात इनाप याःगु खः । थथे इनाप यायेधुंकाः झिगू इञ्च ताःहाकःगु नतूचा दयेकाः शुद्ध तू चिकतय् थुनाः तःगु खः । येँयाः पुन्हि कुन्हु बहनी बालकुमारीया पुजा यानाः थ्व नतूचा म्ये प्वाःखनीम्हेसिया म्येय् सूगु खः । म्येचय् सुइधुंकाः अर्धचन्द्राकार भ्येँ कुबियाः म्येँ प्वाः खंम्हं थः न्ह्याःन्ह्याःथाय् चाःहिलेगु चलन दु । थ्व हे चलन कथं तःदँ न्ह्यः चांगुनारायण व पशुपति थ्यंक तकं चाःहिउवंगु खँ स्थानीयतय्सं धाःगु दु ।
थिमिइ जुइगु म्येप्वाः खनेगु जात्राया निंतिं जुजुया प्रतिक कथं हनुमानध्वाखां खड्ग यंकेमाःगु चलन दु । म्येप्वाः खंगु कन्हय्कुन्हु बालकुमारी द्यःयाथाय् हे द्यः लित तःवनेगु धकाः पुजा यानाः जात्रा क्वचायेकी । थ्व पुजा याइबलय् म्ये प्वाःखंगु नतूचा बालकुमारी देगलय् दुने तानाथकी ।
थिमिइ म्येप्वाः खनेगु जात्रा गुबलय् निसें सुरु जूगु धयागु लिखित प्रमाण छुं लूगु मदुनि । तर बालकुमारी द्यःयाथाय् तानातःगु नतू स्वयेबलय् थ्व जात्रा ३५० दँ स्वयां न्ह्यः निसें न्ह्याःगु अनुमान यानातःगु दु ।
आर्थिक अभावया कारणं थिमिया म्येप्वाः खनेगु जात्रा न्हापा तःदँ तक हे दिनाच्वंगु खःसा २०७४ य् स्थानीय तहया निर्वाचन लिपा थिमिइ नगरपालिकाय् न्हूपिं जनप्रतिनिधि वयेधुंकाः थ्व जात्रा हाकनं न्ह्याःगु खः ।
थ्व जात्राया किंवदन्ती कथं परापूर्वकालय् थिमिइ भूत, प्रेत पिसाचपिंसं तसकं दुःख बिउ वइगु जुयाच्वन । थुपिं भूतप्रेततय्त ख्यायेत छम्ह तान्त्रिकं बालकुमारीया साधन यानाः थःगु साहस क्यनेत थःगु म्ये प्वाःखनाः भूतप्रेततय्त ख्यानाछ्वःगु जुयाच्वन । थथे भूतप्रेत ख्यानाछ्वये फुगुलिं उबलय् निसें भूतप्रेत ख्यायेत थिमिया श्रेष्ठ थरया साहसी मनुखं दँय्दसं म्ये प्वाःखनेगु जात्रा न्ह्याकूगु जुयाच्वन ।
dWok’/ lyld, @% ebf} M o]ofM k’GxL -OGhfqf_ sf cj;/df zlgaf/ /flt dWok’/ lyld lbu’ e}/j dlGb/ cufl8sf] 8anLdf lha|f] 5]8]/ !& j6f bLk;lxtsf] c4{ rGfsf/ Eo] af]sL gu/ kl/qmdf ub}{ jL/]G eQm uh’ >]i7 . dWok’/ lyldsf] b’O{kf]v/L, afns’df/L, z+vrf]s, ;”o{jgfos gkfsf] blIf0f af/fxL, kl/qmdf u/]/ k’gM dWok’/ lyldsf] rkfrf], afxfvf, gub]z, af]8] x’Fb} afns’df/L dlGb/df l;of] lgsflnPsf] luof] . sl/a @) s]hLsf] c4{ rGfsf/ Eo] -bLk_ sfFwdf af]s]/ sl/a $ 306f gu/sf] ljleGg 7fpF kl/qmdf ul/Psf] lyof] . o;cl3 @)&$ df klg pxfFn] g} lhj|f] 5]8]sf lyP . tl:a/ M /Tg >]i7÷ /f;;
LEAVE YOUR COMMENTS