दफ्टर क्लब भवनया उलेज्या

येँ(नेपालभाषा टाइम्स)- येँ महानगरपालिका २३ वडास्थित युगकवि सिद्धिचरण चोकय् दफ्टर युवा क्लबया भवनया उलेज्या याःगु दु । संस्कृति, पर्यटन तथा नागरिक उड्डयन मन्त्री जीवनराम श्रेष्ठं वंगु शुक्रवाः क्लब भवनया उलेज्या यानादीगु खः ।

क्लबया अध्यक्ष राकेश शाहीया अध्यक्षताय् जूगु ज्याझ्वलय् नवासें मन्त्री श्रेष्ठं शिथिल जुयाच्वंगु देय्या पर्यटन ख्यःयात न्हूगु धंगं उत्थानया निंतिं कार्ययोजना तयार यानागु जानकारी बियादसें स्वनिगःया मौलिक जात्रा, संस्कृति, परम्परा, सम्पदाया माध्यमं पर्यटकतय्त आकर्षित यायेमाःगु विचाः तयादिल ।

लिसें वय्कलं क्लबं स्थानीय संस्कृतियात आर्थिक उपार्जन यायेगु खँय् केन्द्रीत यानाः समाजयात तीबः बीत नं इनाप यानादिल ।
ज्याझ्वलय् नेवाः देय् दबूया नायः पवित्र वज्राचार्य, २३ वडाअध्यक्ष मचाराजा महर्जन, क्लबया संरक्षकलिसें समाजसेवी रविचरण श्रेष्ठं नं नुगःखँ तयादीगु खः ।

सम्बन्धित बुखँ

LEAVE YOUR COMMENTS