रक्तदाता समाज डडेल्धुराया पदाधिकारीपिंत सपथ ग्रहण

येँ (नेपालभाषा टाइम्स) – नेपाल स्वयंसेवी रक्तदाता समाजया डडेल्धुरा जिल्ला समितिया पदाधिकारी व दुजःपिंत सपथ ग्रहण याकेगु नापं चियापान ज्याझ्वः जुल । समाजया केन्द्रीय अध्यक्षनापं स्वयंसेवी शतक रक्तदाता पे्रमसागर कर्माचार्यया प्रमुख आतिथ्यताय् उगु ज्याझ्वः जूगु खः ।

मूपाहां कर्माचार्यं ब्यानर वाचन यानाः उलेज्या यानादीगु ज्याझ्वलय् जिल्ला समितिया पदाधिकारी दुजःपिंत सपथ ग्रहण याकादीगु खः । समाजया जिल्ला समितिया अध्यक्ष हरिश जोशीया सभापतित्वय् ज्याझ्वलय् पाहांकथं रक्तसंचार सेवा केन्द्रया प्रमुख गणेश ऐर, पे्रस युनियनया पुलांम्ह अध्यक्ष टेकराज अवस्थी, पत्रकार ललित बोहरा, शिक्षकपिं चित्र पाण्डे, लोकेन्द्र पनेरु, स्वबियु अध्यक्ष जगत ऐरया उपस्थिति दुगु खः ।

समाजया उगु जिल्ला समिति वंगु असार १६ गते प्रविधिया माध्यमं गठन याःगु खः ।