शंखधर प्रतिष्ठानया न्हूम्ह नायः ज्ञानराम श्रेष्ठ

ख्वप (नेपालभाषा टाइम्स)- राष्ट्रिय विभूति शंखधर साख्वाः प्रतिष्ठानया न्हूम्ह नायः पदय् ज्ञानराम श्रेष्ठ सर्वसम्मत रुपं ल्यःगु दु । प्रतिष्ठानया प्यक्वःगु तःमुँज्यां श्रेष्ठयात नायः ल्यःगु खः ।

अथे हे न्वकु पदय् सुरेश प्रधान, छ्यांज्ये बाबुकाजी साःछें, लिउ छ्यांज्ये विनोद कोजु व दांभरि अञ्जनादेवी मधिकर्मी ल्यःगु दुसा दुजलय् दिलकृष्ण प्रजापति, रमेश उखा श्रेष्ठ, सूर्यकृष्ण थापा श्रेष्ठ, पञ्चकृष्ण श्रेष्ठ व रामकेशरी श्रेष्ठ ल्यःगु दु । राष्ट्रिय विभूति शंखधर साख्वालं पलिस्था याःगु नेपाल संवतया प्रचार प्रसार यायेगु ताः तयाः थनिं १७ दँ न्ह्यः थ्व प्रतिष्ठान पलिस्था जूगु खः ।

थुगु संस्थापाखें दँय्दसं न्हूदँ कुन्हु थिमिया शंखधर चोकय् जुइगु ज्याझ्वलय् प्रधानमन्त्रीपाखें शंखधरया झ्वाताय् स्वां देछायेगु व पिने जिल्लाय् शंखधरया झ्वाता दयेकाः छ्वयेगु ज्या यानाच्वंगु दु ।