क्युबाया चिकं भण्डारय् मल जुयाः सलसं घाःपाः

एजेन्सीऔ क्युबाया मातान्जास शहरय् च्वंगु आयल निगमया डिपोय् मलः जुयाः सलंसः मनूत घाःपाः जूगु दु । चिकं भण्डार यानातःथाय् मलः जुयाः थ्यंमथ्यं सछि व २० म्ह मनूत घाःपाः जूगु दु । अथेहे मि स्यायेत वःपिं १७ म्ह अग्निनियन्त्रक बेपत्ता जुयाच्वंगु अधिकारीतय्सं धाःगु दु ।

चिकं भण्डारय् मल जुयाः नःगु मि आइतवाः तक नियन्त्रण कायेफयाच्वंगु मदुनि । मियात नियन्त्रणय् कायेमफुगुलिं क्युबाया सरकारं जःलाखःला देय्लिसे ग्वाहालि नं फ्वंगु दु ।