न्हाय्पं ताःहाकःम्ह दुगुया चर्चा

एजेन्सी- पाकिस्तानय् लहिनातःम्ह छम्ह मचाम्ह दुगुचा न्हाय्पंया कारणं विश्वय् चर्चित जुयाच्वंगु दु । कराँचीइ लहिनातःगु सिम्बा नांया थ्व दुगुचिया छपा न्हाय्पं हे २१ इञ्च ताःहाकः । सिम्बायात लहिनातःम्ह मोहम्मद हसन नारेजों गिनिज बुक अफ वल्र्ड रेकर्डय् सिम्बाया नां आःतकया हे दकलय् बांलाःम्ह दुगुचा कथं दुथ्याकेगु कुतः यानाच्वनागु खँ धाःगु दु ।

ताःहाकः न्हाय्पं दयाः सिम्बाया चर्चा ला जुयाच्वंगु दु, तर थ्व ताःहाकःगु न्हाय्पं हे वयागु निंतिं समस्या नं जुयाच्वंगु दु । न्हापांगु समस्या ला थ्व ताःहाकःगु न्हाय्पनय् हे तक्यनाः व दइगु जुयाच्वंगु दु । उकिं नारेजों वयागु न्हाय्पं लिउने म्हय् यंकाः चिनातयेत छपु पेटी हे दयेकातःगु दु ।

सिम्बा लहिनातःम्ह नारेजोया मेगु तनाव धयागु थः प्रतिद्वन्द्वी पशुपालकत पाखें दु । सिम्बाया न्हाय्पं खनाः ल्वः वंपिं उमिसं वयागु सुन्दरताय् मिखा तइ धकाः नारेजो तसकं ग्याः ।

‘थज्याःगु खराब दृष्टिं बचे जुइ यायेगु निंतिं जिमिसं न्हिं न्हिं कुरान पाठ यानाच्वनागु दु’ नारेजों एएफपीयात धाःगु दु ।