अफगानिस्तानं पाकिस्तानय् च्वपिं कूटनीतिक अधिकारीतय्त लित सःतल
- नेपालभाषा टाइम्स
- ???? ????????? दशमी
- किपा-अफगान राजदूतया म्ह्याय्र
एजेन्स- अफगानिस्तानं पाकिस्तानय् दुम्ह राजदूत नजिबुल्लाह अलिखिललिसें सकलें कूटनीतिक अधिकारीतय्त लित सःतूगु दु । अफगानिस्तानया राष्ट्रपति असरफ घानीं बिउगु उजंकथं अफगानिस्तानया विदेश मन्त्रालयं पाकिस्तानय् दुपिं सकलें कूटनीतिक अधिकारीतय्त लित सःतूगु खः । अफगानिस्तानं सुरक्षाया कारणं थ्व पलाः ल्ह्वनागु धाःगु दु ।
छुं न्हिं न्ह्यः पाकिस्तानय् छगू अज्ञात पुचलं अफगानिस्तानया राजदूतया म्ह्याय्यात अपहरण यानाः दायेफक्व दायाः बेहोश यानाः सतकय् वांछ्वया थकूगु खः । पाकिस्तानया प्रधानमन्त्री इमरान खानं थ्व घटनायात बांलाक अनुसन्धान यायेत व दोषीतय्त याकनं ज्वनेत उजं बीधुंकूगु दु । पाकिस्तानं अफगानिस्तानया कूटनीतिक अधिकारी लित सःतेगु निर्णययात दुखद् व दुर्भाग्यपूर्ण जूगु धाःगु दु ।
अफगानिस्तानय् विदेशी सेना लिहां वनेगु शुरु जुसांनिसें तालिबानतय्गु हिंसात्मक गतिविधि अप्वया वयाच्वंगु दु । मेखे पाकिस्तान व अफगानिस्तानया सम्बन्ध नं बांलानाच्वंगु मदु । अफगानिस्तानं पाकिस्तानयात तालिबानतय्त ग्वाहालि यानाच्वंगु द्वपं बियावयाच्वंगु दु ।
LEAVE YOUR COMMENTS