ने. सं. ११४३ चौलाथ्व सप्तमी -

येँ महानगरपालिकाया मतगणना सुरू

येँ – येँ महानगरपालिकाया मतगणाना सुरू जूगु दु । येँ महानगरपालिकाया वडा नं. १ पाखें मतगणाना सुरू जूगु खः । १ वडाया हितगाः केन्द्र व नक्साः भगवति केन्द्र क या बाकस चायेकाः मतगणाना न्ह्याकूगु खः ।

मतगणना जुइथाय् प्रतिनिधि तयेगु खँय् विवाद जुयाः मतगणना याये मफयाच्वंगु खःसा अाः विवाद ज्यनेवं मतगणना न्ह्याःगु खः । अाः मतगणना जुइथाय् हरेक राजनीतिक पार्टीपाखें छम्ह छम्ह व स्वतन्त्र उम्मेदवार सकसिगुं प्रतिनिधित्व यानाः न्याम्ह प्रतिनिधि तयेगु कथं सहमति जूगु खँ धाःगु दु ।