किपुली रोजगार सम्मेलन जुइगु

किपू (नेपालभाषा टाइम्स)- किपू नगरपालिका युवा परिषद्या ग्वसालय् किपुलिइ न्हापांखसुी यवुा रोजगार सम्मेलन जुइगु जूगु दु । थ्वहे वइगु चौलाथ्व ६ व ७ (चैत्र २४ व २५ गते) बिहीवाः व शुक्रवाः निन्हुयंक जुइगु थुगुु सम्मेलनय् रोजगार माःपिं व रोजगार बीपिंत छथाय् चूलाकेगु ह्वःताः बीगु खँ ग्वसाः खलकं धाःगु दु ।

किपूया ल्याय्म्हतय्त रोजगार चूलायेमा धकाः किपू नगरपालिकां छुं न्हि न्ह्यःजक गठन याःगु युवा परिषद्ं थ्व ज्याझ्वः क्वःछिउगु खः । किपू नगरपालिका वडा नं. २ या ऐतिहासिक थाय् क्वाच्वय् थुगु ज्याझ्वःया उलेज्या जुइसा रोजगारया विषयय् हिल टाउन स्कुलय् सहलह (प्यानल डिसकस) जुइगु नं जानकारी ब्यूगु दु ।

मंगलवाः जूगु पत्रकार सम्मेलनय् थुगु ज्याझ्वलय् ब्वति कायेत वइपिंसं थःगु व्यक्तिगत विवरण (बायाडेटा) नं ज्वना वयेत इनाप याःगु दु ।

सम्बन्धित बुखँ

LEAVE YOUR COMMENTS