सुजुकी इन्ट्रडर चालकतय्त सुकुटे यात्रा

येँ – सुजुकी इन्ट्रडर बाइक चले याइपिंत सुजुकीया आधिकारिक विक्रेता भिजि अटोमोबाइल्सं येँ निसें सुकुटे तकया यात्रा याकूगु दु । निला न्ह्यव जक नेपाली बजारय् वःगु इन्ट्रडर चले यानाच्वंपिं बाइकधनीत मध्ये ५० म्हेसित सुकुटेया यात्रा याकूगु खः ।भिजि अटोमोबाइल्सं सुजुकी इन्ट्रडर लिसें धावनमार्गया थेंज्याःगु अनुभव व आनन्द महसुस याकेत ५० म्ह निडर व साही बाइकचालकतय्त थ्व अवसर बियागु खँ धाःगु दु ।

येँया टेकुं सुरु जूगु बाइक यात्रा सुकेटया रिभर बे ¥याफ्टिङ एण्ड रिसोर्टय् थ्यंकाः क्वचायेकूगु खः । थन बाइक चालकतय्त स्वीमिङ, धम्प तछ्यायेगु कासा नं म्हितकूगु खःसा लोकंह्वाःगु ब्याण्ड विनय व मेपिंंस सांगीतिक प्रस्तुति नं बिउगु खः । बाइकर्सतय्त भोटेकोशीइ ¥याफ्टिङ नं याकूगु खः ।