च्याम्पियन्स लिग : एट्लेटिको व बेनफिका क्वार्टरफाइनलय्, म्याचेस्टर युनाइटेड व आयाक्स पिने

एजेन्सी- स्पेनिस क्लब एट्लिको म्याड्रिड व पोर्चुगिज क्लब बेनफिकांं च्याम्पियन्स लिगया क्वार्टरफाइनलय् थाय् दयेकूगु दु । मंगलवाः चान्हय् जूगु कासाय् एट्लिको म्याड्रिडं इंग्लिस क्लब म्याचेस्टर युनाइटेडयात व बेनफिकां डच क्लब आयाक्सयात बुकाः अन्तिम च्यागुलिइ थाय् दयेकूगुु खः ।

च्याम्पियन्स लिगया प्रि–क्वार्टरफाइनल अन्तर्गत जूगु निगूगु लेगया कासाय् एट्लेटिको म्याड्रिडं म्यानचेस्टर युनाइटेडयात १–० गोलं बुकाः सम्रगय् २–१ गोलं कासा थःगु ल्हातय् लाकूगु खः । न्हापांगु लेग कासा छगू छगू गोलया बराबरी क्वाचाःगु खः । म्याचेस्टर युनाइडेडयात वयागु हे घरेलु मैदान ओल्ड ट्राफोर्डय् बुकेगु झ्वलय् एट्लिकोया कासामि रेनान लोेडंी गोलं याःगु खः । कासाय् पराजित जूगु म्याचेस्टर युनाइटेडं वंगु प्यंगू सिजननिसें छगू नं उपाधि त्याकेफुगु मदुनिसा थ्व सिजनय् नं छगू नं उपाधि मत्याइगु निश्चित जूगु दु । सन् २०१७ य् युरोपा लिग त्याकूगु युनाइटेड वयां लिपा उपाधिविहिन जुयाच्वंगु दु ।

बेनफिका आयाक्सयात वयागु हे मैदानय् १–० गोल बुकाः समग्रय् ३–२ गोल कासा त्याकूगु खः । कासाय् बेनफिकाया डारविन नुनेज विजयी गोल याःगु खः । न्हापांगु लेगया कासा निगू निगू गोलया बराबरीइ क्वचाःगु खः ।

सम्बन्धित बुखँ

LEAVE YOUR COMMENTS