आइसल्यान्ड म्हितेगु स्वयां पनेगु ल्याखं जक वल – मेसी

एजेन्सी- अर्जेन्टिनी स्टार कासामि लियोनल मेसीं शनिवाःया कासाय् आइसल्यान्डया कासामित म्हितेगु स्वयां पनेगु निंतिं जक मैदानय् वःगुलिं थःपिंत थाकुगु खँ धाःगु दु । लिसें मेसीं थःगु पेनाल्टि पनाबिउगु खं थःत नं पीडा जूगु धाःगु दु ।

आइसल्यान्ड लिसे जूगु कासा निगूगु हाफय् मेसीं थ्वाःगु पेनाल्टि विपक्षी किपर हानेस हल्डर्सनं पनाबिइवं अर्जेन्टिनां न्हापांगु कासाय् बराबरीइ चित्त बुझे यायेमाःगु खः ।

थ्वयां छन्हु न्ह्यव जक मेसीया सदाबहार प्रतिद्वन्द्वी क्रिस्टियानो रोनाल्डों पेनाल्टि सहित ह्याट्रिक थ्वाःगुलिं नं आइसल्यान्डविरुद्धया कासाय् मेसी दबाबय् म्हितूगु खनेदुगु खः ।

‘पेनाल्टि मिस जूगुलिं जितः नं पीडा ला जूगु हे दु’ मेसीं धाःगु दु, ‘उपिं भचा जक खुल्ला जुयाः म्हितूगु, भचा जक म्हितेत थाय् बिउगु जूसा मेगु हे लिच्वः वइगु खः ।’

‘जिपिं ३ अंक कायेत लायक हे खःसां अंक कायेमफुगु तसकं म्हाइपुगु खँ खः । विजयी सुरुवात न्ह्याब्लें महत्वपूर्ण जुइ । तर आः जिमिगु ध्यान पूवंक क्रोएसियापाखे दु’ मेसीं धाःगु दु ।