कुवेतलिसेया कासा भुटानय् जुइगु

येँ – नेपालं कतार लिसे म्हितीगु विश्वकप छनोट अन्तर्गत निगूगु चरणया कासा भूटानय् जुइगु जूगु दु । अखिल नेपाल फुटबल संघ (एन्फां) सोमवाः छगू प्रेस विज्ञप्ति पितबिसें नेपाः व कुवेत दथुया कासा भूटानया चाङलिमिथाङ रंगशालाय् जुइगु खँ धाःगु खः । विश्वकप छनोटअन्तर्गत होम एण्ड अवे कासा जुइगु जूगुलिं नेपालं थःगु घरेलु मैदानय् हे थ्व कासा म्हिते माःगु खः ।

थुकिया निंतिं नेपालं वइगु मंसिर ३ गते हे दशरथ रंगशालाय् थ्व कासा यायेगु तयारी यानातःगु खः । तर दशरथ रंगशाला दयेकाच्वंगु ज्या आःतक पूमवंगुलिं थ्व कासा भूटानय् म्हितःवने माःगु खः । एशियाली फुटबल महासंघं आः दयेकाच्वंगु रंगशालाय अन्तर्राष्ट्रिय मापदण्ड कथं मजूगु धासें कासा म्हितेगु थाय् हिलेत एन्फायात निर्देशन बिउगु खः ।

एएफसीया निर्देशन लिपा एन्फां थ्व कासा भूटानया चाङलिमिथाङय् म्हितेत सिफारिस याःगु खः । एएफसीं थुकियात स्वीकृति बिइधुंकूगु दु । विश्वकप छनोट अन्तर्गत नेपालं समूह बी पाखें फुक्कं अवे कासा म्हिते धुंकूगु दु । प्यंगू कासा म्हितेधुंकाः नेपाःया ३ अंक दु । नेपाः कुवेतलिसे ७–० गोलं बूगु खःसा चाइनिज ताइपेइयात २–० गोलं बुकूगु खः । अथेहे अष्ट्रेलिया लिसे ५–० गोलं व जोर्डनलिसे ३–० गोलं बूगु खः ।