जगतसुन्दर ब्वनेकुथियात कासा ज्वलं लःल्हात

येँ- जगतसुन्दर ब्वनेकुथियात ब्वँमि मस्तय् निंतिं थीथी कासा ज्वलं लःल्हाःगु दु । ब्वनेकुथिइ हे जूगु छगू ज्याझ्वःया दथुइ किन्डरहेल्फ नेपाल (नेपाल बाल सहायता संघ) व एक्सन क्लिनर प्रिन्टपाखें ग्वाहालिकथं प्राप्त कासा ज्वलं स्वराज फाउण्डेसनं लःल्हाःगु खः ।

ब्वनेकुथि संचालक समितिया नायः प्रा. डा. चुन्दा वज्राचार्यया सभापतित्वय् जूगु ज्याझ्वलय् पाहांकथं फाउण्डेसनया नायः विजयसागर प्रधान, ब्वनेकुथि संचालक समितिया न्वकु विष्णु चित्रकार, संचालक समितिया दांभरिंलिसें इन्का किन्डरगार्टेनया संयोजक अनाररत्न वज्राचार्य, पुलांम्ह प्रिन्सिपल माया मानन्धर झायादीगु खः।

ब्वनेकुथिया प्रिन्सिपल सुनिता मानन्धरं पाहांपितं खादा क्वखायेकादीगु ज्याझ्वलय् न्वकु चित्रकारं लसकुस यानादीगु खः । पाहांकथं झायादीपिं सकसिनं थःथःगु नुगःखँ तयादीगु ज्याझ्वलय् फाउण्डेसनया नायः प्रधानं ब्वनेकुथिया निंतिं ग्वाहालिकथं प्राप्त कासा ज्वलं लःल्हानादीगु खः ।

सम्बन्धित बुखँ

LEAVE YOUR COMMENTS