एकता विवाद ज्यंकेत वार्ता

येँ – वैशाख ९ गते पार्टी एकता घोषणा यायेगु धयातःगु न्हि न्ह्यःने थ्यंलिसे धमाधम जटिल जुजुं वःगु एमाले–माओवादी एकीकरणयात अन्तिम रुप बीगु लागिं थौं पार्टी एकता समितिया बैठक सःतूगु दु ।पार्टी एकताय् पिहां वःगु विवादत समाधान यायेगु लागिं म्हिगः एमाले अध्यक्ष केपी ओली व माओवादी अध्यक्ष पुष्पकमल दाहाल दथुइ ‘वान टु वान’ वार्ता जूगु दु ।

निगुलिं पार्टीया कार्यदलं आः तक यानाच्वंगु वार्तापाखें समाधान याये मफुगु बुँदाय् म्हिगः निम्ह शीर्ष नेतातय् दथुइ सहलह जूगु खः । उकी खास यानाः पार्टीया विधानय् ‘जनयुद्ध’ धइगु खँग्वः तयेगु लाकि मतयेगु धइगु वहस जूगु खँ सूत्रं धाःगु दु ।

लिसें पार्टीया केन्द्रीय समिति २९९ सदस्यीय दयेकेगु धकाः सहमति जूसां उकी छु पार्टीपाखें ग्वःम्ह तयेगु धइगु खँ धाःसा निर्णय मजूनि । थौंकन्हय् माओवादीया केन्द्रीय समितिइ ४५०० म्ह दुजः दु । लिसें पार्टीया चुनाव चिं छु तयेगु धइगु खँय् नं विवाद जुयाच्वंगु दु ।वैशाख ९ गते कम्युनिष्ट पार्टी स्थापना दिवस कुन्हु लाकाः पार्टी एकता घोषणा यायेगु ग्वसाः दु ।

सम्बन्धित बुखँ

LEAVE YOUR COMMENTS