वातावरण दिवसय् वृक्षारोपण व सरसफाइ

किपू – विश्व वातावरण दिवसया लसताय् लाकाः थन वृक्षारोपण याःगु दु । थनया फोहर व्यवस्थापन व प्रशोधन केन्द्रय् वृक्षारोपण याःगु खः ।

दँय्दसँ जून ५ कुन्हु न्यायेकीगु विश्व वातावरण दिवसया किपू नगरपालिकां वृक्षारोपण यानाः थ्व दिवस हंगु खः । वृक्षारोपण ज्याभ्mवः किपू नगरपालिका, वातावरण व जनस्वास्थ्य, फोहरमैला व्यवस्थापनलिसे सम्बन्धित प्यंगू संस्थाया मंकाः ग्वासलय् जूगु खः ।

‘न्हूगु सोच, सिर्जना, प्राकृतिक प्रणालीया पुनःस्थापना’ धइगु नारा बियातःगु ४७ क्वःगु विश्व वातावरण दिवसया लसताय् जूग वृक्षारोपण ज्याभ्mवलय् किपू नगरपालिकाया प्रमुख रमेश महर्जन, उपप्रमुख सरस्वती खड्का, किपू नगरपालिका वडा नं १या वडाअध्यक्ष हर्ष महर्जन, ९ वडाअध्यक्ष गंगाराम महर्जन, १० वडाअध्यक्ष अमन महर्जनलिसें जनप्रतिनिधि व स्थानीयतय् सहभागिता दुगु खः । उगु इलय् फोहर प्रशोधन केन्द्रया सरसफाइ नं याःगु खः ।

 

सम्बन्धित बुखँ

LEAVE YOUR COMMENTS