खपिन्छेँ त्वाःया वार्षिक साधारण सभा

यल- खपिन्छेँ त्वाःया वार्षिक साधारण सभा वंगु शनिवाः जुल । त्वाःया मंकाः चपाःछेँय् त्वाः नायः राजमान अवालेया सभापतित्वय् न्ह्याःगु ज्याझ्वलय् त्वाः थकालि आशालाल महर्जन मूपाहां व त्वाःया मू गुरु अष्टलाल महर्जन विशेष पाहांकथं ब्वति कयादीगु खः ।

साधारण सभाया उद्घाटन सत्रय् एसइइ परीक्षा उत्तीण जूपिं त्वाःया विद्यार्थीलिसें थीथी व्यक्तित्वपिंत हनेज्या नं याःगु खः । ज्याझ्वलय् २०७७ व ०७८ सालया एसइइ परीक्षा उत्तीर्ण जूपिं त्वाःया झिंन्याम्ह विद्यार्थीपिंत ख्यें सगं बियाः मतिना चिं लःल्हाःगु खः ।

ज्याझ्वलय् त्वाःनायःपाखें त्वाः थकाली आशलालयात दोसल्लां न्ययेकाः हंगु खःसा त्वाःपाखें प्रतिनिधत्व यानाः ज्यापु समाज यल न्हापांम्ह न्वकु जुयादीम्ह सबिना महर्जन, ललितपुर उद्योग वाणिज्य संघया दुजलय् निर्वाचित जुयादीम्ह त्वाःय मंकाः दुजः नापं ज्यापु समाजय् त्वाः प्रतिनिधि आपुलाल अवाले, ज्यापु समाज यलया क्वचाःगु तःमुँज्याय् सामाजिक व सांस्कृतिक विधाय् सम्मानित जुयादीम्ह कलाकार सुरज व्यञ्जनकारयात नं हनेज्या याःगु खः ।

साधारण सभाया निगूगु सत्रय् त्वाःया छ्याञ्जे सुरज व्यञ्जनकारं वार्षिक प्रगति प्रतिवेदन व दांभरिं राजकुमार महर्जनं आर्थिक प्रतिवेदन न्ह्यब्वयादीगु खः । ज्

पाहांकथं झायादीम्ह त्वाःया मंकाः दुजःनापं ९ वडा सदस्य अमिर महर्जनं नुगःखँ तयादीगु ज्याझ्वलय् त्वाःया थीथी पक्षयात जानकारी बीगु ल्याखं हःगु वेबसाइट नं औपचारिक रुपं सार्वजनिक याःगु खः ।