अस्ट्रेलियाया अन्तर्राष्ट्रिय सिमाना चाल

एजेन्सी- कोरोना संक्रमणया कारणं बन्द जुयाच्वंगु अस्ट्रेलियाया अन्तर्राष्ट्रिय सिमाना निदँ लिपा चायेकूगु दु । अस्ट्रेलियाया सरकारं कोरोना भाइरसविरुद्धया पूर्ण मात्रा खोप कायेधुंकूपिं अन्तर्राष्ट्रिय यात्रुतय्त प्रवेशया अनुमति बिउगु खः ।

पूर्ण मात्रा खोप मकाःनीपिंत धाःसा वैध छुट आवश्यक जुइ । खोपया पूर्ण मात्रा कायेधुंकूपिं क्वारेन्टिनय् च्वनेमालीमखु, तर खोप मकानीपिं धाःसा थःगु खर्चय् १४ न्हु होटेलय् क्वारेन्टिन च्वेमाली । पश्चिमी अस्टे«लियाय् धाःसा मार्च ३ तारिखलिपा जक प्रवेशया अनुमति बिइसा कोरोनाविरुद्धया बुस्टर डोज नं काःगु जुइमा ।

सन् २०२० मार्चनिसें अस्ट्रेलियाय् यात्रायात कयाः कडा प्रतिबन्ध तयातःगु खः । सोमवाः जक सलंसः मनूतय्सं अस्ट्रेलिया प्रवेश याःगु दु । अस्ट्रेलियाया अन्तर्राष्ट्रिय विमानस्थलय् ५० सिबें अप्वः विमान अवतरण याःगु दु ।

अस्ट्रेलियाया पर्यटनमन्त्रीं थुगु निर्णय पर्यटन व्यवसायया निंतिं सुखद जूगु धाःगु दु । कोरोना महामारी जुइ न्ह्यः सन् २०१९ य् जक अस्ट्रेलियाय् थ्यमथ्यं ९५ लाख विदेशी पर्यटक थ्यंगु खः ।

सम्बन्धित बुखँ

LEAVE YOUR COMMENTS