अलकायदा-तालिवान स्वापू दु : सरासं अधिकारी

एजेन्सी – संयुक्त राष्ट्र संघया छम्ह अधिकारीं अफगानिस्तानया तालिवान विद्रोहीतय् आतंककारी संगठन अल कायदा लिसे स्वापू दुगु खँ धाःगु दु । अल कायदाया नेता आइमन अल जवाहारीं तालिवान विद्रोहीतलिसे स्वापू तयाच्वंगु खँ उम्ह अधिकारीं धाःगु खः । अल कायदा व तालिवान सम्बन्धयात कयाः सरांसं यानाच्वंगु अनुगमन सम्बन्धी निकायया छम्ह अधिकारी एडमन्ड फिटन ब्राउनं थ्व खँ धाःगु खः । वय्कलं तालिवान व अलकायदा दथुइ आः नं बांलाःगु स्वापू दुगु व उमिसं आः नं नापं जानाः ज्या यानाच्वंगु खँ धयादीगु दु ।

तालिवानतय्सं धाःसा थःपिनि अलकायदा लिसे छुं नं स्वापू मदु धकाः अमेरिकायात विश्वस्त यायेगु कुतः यानाच्वंगु इलय् संयुक्त राष्ट्र संघया हे अधिकारी थ्व खँ सार्वजनिक याःगु खः । थौंकन्हय् तालिवानतय्सं अमेरिकाया मध्यस्थताय् अफगानिस्तान सरकारलिसे शान्ति वार्ता यानाच्वंगु दु। शान्ति वार्ता यानाच्वंगु इलय् संयुक्त राष्ट्र संघया अधिकारीया थ्व धापू पिहां वःगु खः ।

सम्बन्धित बुखँ

LEAVE YOUR COMMENTS