चीन व अमेरिकायात नेपाःया लिसः

येँ – एमसीसीयात कयाः चीन व अमेरिका दथुइ वाकयुद्ध शुरु जुइवं नेपालं म्हिगः निगुलिं देय्यात थुकिया बारे लिसः बिउगु दु । परराष्ट्र मन्त्रालयं म्हिगः छगू विज्ञप्ति जारी यासें गुगु विकास सहायता कायेगु धइगु निर्णय नेपाःया सार्वभौम संसदं जक याइगु खँ स्पष्ट याःगु दु ।

परराष्ट्र मन्त्रालयं पिकाःगु विज्ञप्तिइ धयातःगु दु, ‘झीगु राष्ट्रिय हित व प्राथमिकताया आधारय् नेपालं विकास सहायता स्वीकार यायेगु निर्णय याःगु खः, नेपाः व नेपाःमि जनताया हितय् गुगु विकास सहायता माः धइगु खँय् नेपाःया सार्वभौम संसदं जक निर्णय याइ ।

नेपालं आः तक न्ह्याबलें नं स्वतन्त्र, सन्तुलित व असंलग्न परराष्ट्र नीति नाला वयाच्वंगु दु, थ्व नीति कथं सार्वभौम सत्ता सम्पन्न राष्ट्रया रुपय् नेपालं थःगु राष्ट्रिय आवश्यकता व प्राथमिकता कथं विकास सहायता स्वीकार यानाः उपयोग याःगु दु ।’

सम्बन्धित बुखँ

LEAVE YOUR COMMENTS