वामदेव गौतम न्हूगु पार्टी चायेकेगु तयारीपाखे

येँ -एमालेया विभाजन पनेगु लागिं कुतः यानादीम्ह वरिष्ठ नेता वामदेव गौतम नं अन्ततः थःगु हे पार्टी चायेकेगु तयारीपाखे लगे जुयादीगु खँ सीदुगु दु । वय्कलं मेगु जेठ महिना तकया दुने न्हूगु पार्टी चायेकेगु ताः तयाः पासापिंलिसे सहलह यानाच्वनागु खँ कनादीगु दु ।

एमाले विभाजन जुइधुंकाः गौतम निगुलिं पार्टीइ मवँसे तटस्थ च्वंच्वनादीम्ह खः । तर वय्कलं मेगु पार्टी चायेकीगु खँ पिहां वयेवं माधव नेपालया पार्टी नेकपा (एस) या नेतातय्संवय्कःयात थःगु हे पार्टीइ सालेगु कुतः शुरु याःगु खँ सीदुगु दु ।