किपू नपाया अस्पताल

येँ – किपू नगरपालिकां किपुली अस्पताल दयेकीगु जूगु दु । वडा ६ या इँट्टागोलय् सामुदायिक सरकारी अस्पतालया रुपय् दयेकेत्यंगु थ्व अस्पताल २५ रोपनी क्षेत्रफलय् न्यनीगु खँ धाःगु दु । थुकिया निंतिं १२ करोड तका खर्च जुइगु व थुकी २५ बेड दइगु खँ किपु नपाया मेयर रमेश महर्जनं कनादिल । अस्पतालय् फुक्कं कथंया सेवा सुविधा दइगु व थुकिं विशेष यानाः वडा ४,५,६ व ८ या जनता लाभान्वित जुइगु खँ धाःगु दु ।