कोरोना अप्वया वनेवं राहदानी इनेज्या नं बन्द
येँ – कोरोनाया जोखिम अप्वया वनेवं राहदानी इनेज्या नं स्थगित जूगु दु । वासः यायेत विदेश वनेमाःपिं लगायतया गम्भीर प्रकृतिया बाहेक मेगु ज्याया लागिं राहदानी बीगु ज्या तत्कालया नितिं स्थगित याःगु खः ।
राहदानी विभागं थ्व स्वयां न्ह्यः यानातःगु बुकिङ व टोकन नं आःयात स्थगित याःगु दु । अवस्था सामान्य जुइधुंकाः न्हापाया बुकिङयात हे प्राथमिकता बियाः सेवा न्ह्याकेगु खँ विभागं धाःगु दु ।
वासः यायेत विदेश वनेमाःपिं लगायत अतिकं जरुरी जूपिंसं धाःसा राहदानीया नितिं इमेल (emergency@nepalpassport.gov.np) अनलाइन भरे याःगु फाराम, माःगु प्रमाण व कारण सहित इनाप यायेत इनाप याःगु दु ।
LEAVE YOUR COMMENTS