ने. सं. ११४६ अनलाथ्व पुन्हि -

यलय् ध्यबा कुर्कल वइगु एटीएमपाखें लः

येँ – उपत्यका खानेपानी व्यवस्थापन बोर्डया सक्रियताय् यल मनपाय् नेपालय् न्हापांगु वाटर एटीएम तःगु दु । म्हिगः खानेपानी मन्त्री बिना मगरं उकिया उलेज्या यानादीगु दु । बोर्डं स्वनिगःया मेगु नीगू थासय् थज्याःगु वाटर एटीएम तयेगु खँ धाःगु दु ।

वाटर एटीएमयात नेपाली भासं ‘पँधेरो’ नां बियाः सञ्चालनय् हःगु खः । उगु वाटर एटीएमपाखें २०० मिलिलिटर व छगू लिटर लः पिकयाः त्वने फइ । २०० मिलिलिटरया नितका व १ लिटरया झितका भाः तयातःगु दु । एटीएमय् नितका वंगु डलब तयेवं लः हाइगु व्यवस्था यानातःगु दु ।