भारतय् करोडौं ध्याबा सुचुकातःम्ह व्यपारी ज्वन

एजेन्सी÷ भारतया उत्तर प्रदेशया कानपुरय् च्वंम्ह छम्ह अत्तर व्यवसायी पीयुष जैनयात कर छले यानाः थःगु छेँय् करोडौं तका दां सुचुकातःगु द्वपनय् ज्वंगु दु । भारतया केन्द्रीय जाँच एजेन्सीं व्यवसायी पीयुष जैनया छेँ छापा मारे याःगु खः । गुड्स एण्ड सर्भिसेज ट्याक्स (जिएसटीं) बिउगु जानकारीकथं व्यापारीया छें छगू अर्ब व ८७ करोड भारतीय नोट बरामद याःगु खः । शुक्रवाः, शनिवाः व आइतवाः स्वन्हुयंकं छेँय् छापा मारे याःगु खः । ध्याबालिसें लुँ, वह, चन्दनया चिकं व अत्तर नं बरामद याःगु दु ।

भारतीय सञ्चार माध्यमया कथं छापा लिपा व्यापारी जैनयात ज्वंगु दुसा थप कारावाहीया निंतिं अहमदाबाद यंकूगु दु ।
अत्तर व्यवसायी पीयुष जैन कन्नौजया स्थानीय वासिन्दा खः । जैनयाके ४० गू कम्पनीया दु । जैनं कर छले यायेत हे थीथी कम्पनीया स्थापना याःगु अधिकारीतय्सं धाःगु दु ।