नीगू कम्पनीइ सर्किट ब्रेक

येँ – शेयर बजाः आइतवाः उच्च अंकं थहां वंगु दु । शेयर कारोवारया मापक नेप्से परिसूचक आइतवाः छन्हुं ७१.२० अंकं थहां वनाः २५९१.४२ अंकय् थ्यगु दु । शेयर बजाःयात उच्च थ्यंकेगु निंतिं म्हिगः विशेष यानाः बीमा समूहं मू भूमिका म्हितल । म्हिगः बीमा समूहया सहित थीथी नीगू कम्पनीइ सर्किट ब्रेक तयेमाःगु खः ।

नेप्सेया कथं नेशनल लाइफ इन्स्यारेन्स, युनाइटेड इन्स्यारेन्स, एभरेस्ट इन्स्योरेन्स, प्रिमियर इन्स्योरेन्स, प्रभु इन्स्योरेन्स, प्रुडेन्सियल इन्स्यारेन्स, लुम्बिनी जनरल इन्स्योरेन्स, एशियन लाइफ इन्स्यारेन्स, प्राइम लाइफ इन्स्यारेन्स व गुराँस इन्स्योरेन्स सहित नीगू कम्पनीइ सर्किट ब्रेक तयेमाःगु खः । थुपिं कम्पनीतय् शेयर भाः १० प्रतिशत स्वयां अप्वः थहां वंगुलिं सर्किट ब्रेक तयेमाःगु खः । म्हिगः निर्जीवन बीमाः समूहया उपसूचक जक ९०७.१ अंकं थहां वंगु खः ।

नेप्सेया कथं झिंस्वंगू उपसूचक मध्ये म्हिगः झिंछगू उपसूचक थहां वंगु खःसा निगू उपसूचक जक कुहां वन । म्हिगः न्हिछिया दुने न्यागू अर्ब १६ करोड ३२ लाख तका बराबरया २३१ गू कम्पनीया ८६ लाख १९५६ कित्ता शेयर कारोवार जूगु खः । कारोवारया ल्याखं म्हिगः दकलय् अप्वः नबिल बैंकंया ३२ करोड सात लाख ४९ हजार ७३६ तका बराबरया शेयर कारोवार जूगु खः ।

सम्बन्धित बुखँ

LEAVE YOUR COMMENTS