यल उद्योग वाणिज्य संघया अध्यक्षय् मनोजबहादु न्याछ्यों निर्वाचित

यल (नेपालभाषा टाइम्स) – यल उद्योग वाणिज्य संघया अध्यक्षय् मनोजबहादु न्याछ्यों निर्वाचित जुयादीगु दु । वंगु शनिवाः संघया न्हूगु ज्यासना पुचःया निंतिं मतदान जूगु खः । शनिवाः लिबाक्क पिहां वःगु चुनावी लिच्वःकथं अध्यक्ष पदय् निर्वाचित न्याछ्यों नं थः प्रतिस्पर्धी भरतलाल जोशीयात पराजित यानादीगु खः ।

निर्वाचनया लिच्वःकथं संघया न्हूगु ज्यासना पुचःया प्यम्ह उपाध्यक्षमध्ये वरिष्ठ उपाध्यक्षय् विश्वराज वज्राचार्य, उपाध्यक्ष सुसन महर्जन (उद्योग), उपाध्यक्ष उसन वज्राचार्य (वाणिज्य), विरेन्द्रलाल श्रेष्ठ (संस्थागत)पाखे निर्वाचत जुयादीगु दु ।  अथे हे महासचिवय् रुपकमान महर्जन व कोषाध्यक्षय् भूमिनन्दन कर्माचार्य निर्वाचित जुयादीगु दुसा दुजलय् रुपेन्द्रराज शाक्य, राजेशराज वज्राचार्य, मिलन शाक्य,आपुलाल अवाले, मुकुन्द महर्जन, महेश श्रेष्ठ, गुणकेशरी ताम्राकार, रमेश महर्जन, शर्मिला श्रेष्ठ, सजना श्रेष्ठ व विमला शाक्य निर्वाचित जुयादीगु दु ।

संघया नीनिगू पदया निंतिं जूगु निर्वाचनय् कार्यसमितिया दुजलय् पूर्ण महर्जन व नविनमान श्रेष्ठ निर्विरोध निर्वाचित जुयादीगु खः ।

सम्बन्धित बुखँ

LEAVE YOUR COMMENTS