१६६८ म्ह कर्मचारीयात कारवाही सिफारिस

येँ – इलय् ज्याकुथिइ मवइपिं व सरकारी वसः मपुनीपिं द्वःछिंम्हं मल्याक कर्मचारीतय्त कारवाहीया निंतिं सिफारिस जूगु दु । राष्ट्रिय सतर्कता केन्द्रं थज्याःपिं द्वःछि व ६६८ म्ह कर्मचारीतय्त कारवाहीया निंतिं सिफारिस याःगु खः ।केन्द्र आर्थिक दँ २०७४–७५ य् अनुगमन याःगु ८१९ गू ज्याकुथिइ इलय् अफिस मवइपिं व सरकारी वसः मपुनीपिंत कारवाहीया सिफारि याःगु खः ।

कारवाही सिफारिस याःगुलिइ इलय् ज्याकुथिइ मथ्यनीपिं १११९ म्ह कर्मचारी लाःगु दुसा वसः मपुनीपिंलय् ५४९ म्ह कर्मचारी लाःगु दु । थुकी मध्ये दकलय् अप्वः कर्मचारी सिंहदरवार दुने थीथी मन्त्रालयय् ज्या याइपिं कर्मचारी लाःगु खँ धाःगु दु । सिंहरदवारय् दुने ४३ गू ज्याकुथिइ याःगु अनुगमनय् ११८ म्ह कर्मचारी इलय् ज्याकुथिइ मथ्यंगु लुइकूगु खः ।