कर छुटं विद्युतीय गाडी न्याइपिं अप्वल

येँ – सरकारं विद्युतीय कारय् कर छुट बीवं विद्युतीय कारया माग अप्वःगु दु । थज्याःगु कार न्यायेत आपाः यानाः नांजाःपिं मनूतय्सं इच्छा क्यनाच्वंगु दु । पुलांम्ह जुजु ज्ञानेन्द्र शाहं नं किया मोटर्सया निगः कार न्याना यंकूगु दु । मोटर्सया आधिकारिक विक्रेता कन्टिनेन्टल टे«डिङ इन्टरप्राइजेजपाखें ५८ लाख तका पुलाः निगः कार न्यानायंकूगु खः । शा

हं न्यानाकाःगु सोल इभी एसयुभी गाडी फूल अप्सनया जूगु खँ धाःगु दु । थज्याःगु गाडी थ्व स्वयां न्हापां पुलांम्ह सचिव रामेश्वर खनालं नं न्यानादीगु खः । अथेहे थीथी गैरसरकारी संस्थां नं थज्याःगु गाडी न्यायेगु यानाच्वंगु खँ इन्टरप्राइजेजं धाःगु दु । विशेष यानाः थौंकन्हय् नेपाःया उच्च सरकारी अधिकारीपिंसं नं विद्युतीय गाडीयात प्राथमिकता बियाच्वंगु दु ।

विद्युतीय गाडीइ ग्राहकया माग अप्वया वनेवं गाडी बिक्रेतातय्सं घर जग्गा महोत्सवय् नं विद्युतीय गाडीया स्टल तयेयंकूगु दु । बिक्रेताया कथं प्यन्हुया दुने हे च्यागः विद्युतीय मोटर बुक जुइधुंकूगु दु । कम्पनीं बिउगु जानकारी कथं मेलाया ईया दुने गाडी बुकिङ याइपिंत २ लाख तक छुट अफर बियातःगु दु ।