बेलायतय् छन्हुं छगूलाख मनूतयके कोरोनाया संक्रमण

एजेन्सी बेलायतय् छन्हुं हे छगूलाखं मल्याक मनूतय्के कोरोनाया संक्रमण लुइकूगु दु । स्थानीय अधिकारीतय्सं बिउगु जानकारी कथं बुधवाः जक थन १ लाख ६ हजारस्वयां अप्वः मनूतय्के कोरोना संक्रमण खनेदुगु खः ।

बेलायतय् कोरोना भाइरस संक्रमण जुइधुंकाः निसें छन्हुं हे खनेदुगु थ्व आःतकया दकलय् अप्वः संक्रमण खः । बेलायतय् छुं वा न्ह्यवनिसें कोरोना भाइरसया प्रकोप अप्वया वयाच्वंगु दु । न्हियान्हिथं द्वलंद्वः मनूतय्के संक्रमण खने दया वयाच्वंगु दु । छुं ई न्ह्यवनिसें थन न्हियान्हिथं ओमिक्रोन भेरियन्टया संक्रमण नं अप्वः खने दया वयाच्वंगु दु ।

बेलायतय् आःतकया दुने १ करोड १६ लाखं मल्याक मनूतय्त कोरोना संक्रमण जुइधुंकूगु दुसा कोरोना संक्रमणं थन आःतकया दुने १ लाख ४७ हजार म्ह मनूत सीधुंकूगु दु ।