जापानी राजदूतपाखें भुखाचं जूगु क्षतिया अवलोकन

थिमि – नेपाःया निंतिं जापानी राजदूत मासासि ओगावां भुखाचं क्षति जूगु सम्पदाया अवलोकन यानादीगु दु । राजदूत ओगावां २०७२ साल बैशाख १२ गतेया विनाशकारी तःभुखाचं क्षति याःगु मध्यपुर थिमिया सम्पदाया अवलोकन यानादीगु खः ।
उगु इलय् मध्यपुर थिमि नगरपालिकाया प्रमुख मदनसुन्दर श्रेष्ठं राजदूत ओगावायात मध्यपुर थिमिया थीथी लागाय् भुखाचं लाःगु क्षतिया अवलोकन याकेगु नापं जानकारी याकूगु खः । राजदूत ओगावां उगु इलय् तःभुखाचं क्षति जूगु मध्यपुर थिमिया नगदेश विहार, तरकारि बजाः, लाय्कू लागालिसें मध्यपुर थिमि नगरपालिकां निर्माण यानाच्वंगु आधुनिक चिम्नी व स्थानीय पहिचान जुयाच्वंगु ख्वाःपाः निर्माणया नं अवलोकन यानादीगु खः । अवलोकन लिपा भुुखाय् लिपाया पुनःनिर्माणय् मध्यपुर थिमि नगरपालिकायात आवश्यक ग्वाहालि यायेगु प्रतिवद्धता राजदूत ओगावां प्वंकादीगु खः ।