चित्रकलाय् मध्यपुुर या सम्पदात
थिमि (नेपालभाषा टाइम्स) – मध्यपुर थिमिया कला, संस् कृति व सम्पदा संरक्षणया निंतिं स्थलगत चित्रकला कार्यशाला जुयाच्वंगु दु । मध्यपुर थिमि नगरपालिका ८ वडाया ग्वसाः व एमेजिङ आर्ट एण्ड ट्रेनिङ सेन्टरया संयोजनय् वंगु शनिवाःनिसें उगु कार्यशाला न्ह्याःगु खः ।
मध्यपुर थिमि नगर पालिका ८ वडाअध्यक्ष रमेश थापा श्रेष्ठं थुकथंया चित्रं लिपांगु पुस्तायात सम्पदाया महत्व थुइकेगु नापं ज्ञान लःल्हाये गु नापं तना वनाच्वंगु सम्पदा पुनःनिर्माण यायेत ग्वाहालि जुइगु विश्वास प्वंकादिल । वडाअध्यक्ष श्रेष्ठं कलाकार तय्सं च्वःगु चित्रकयात बुकलेटया रुपय् पिथनाः प्रचार प्रसारया निंतिं उपयोग यायेगु नापं संग्रहालयय्तयेगु विचाः दुगु खँ कनादिल ।
चित्रकला कार्यशालाया कजि जुजुभाई बास श्रेष्ठं चित्रपाखें मध्यपुर थिमिया कला, संस्कृति, सम्पदाया संरक्षण यायेगु उद्देश्य जूगु जानकारी बियादिसें सछिदँ लिपा नं पुलांगु सम्पदा थथे च्वं धइगु सीके फइगु व वहे ल्याखं सम्पदा निर्माण यायेत नं थुकथंया चित्रकलां ग्वाहालि याइगु खँ कनादिल ।
शनिवारीय स्थलगत चित्रकाला कार्यशाला अभियानया सचिव दिवेश प्रधानं कार्यशालाय् नीन्याम्ह कलाकारतय् सहभागिता दुगु जानकारी बियादिल । वय्कः कथं कार्यशालाय् मध्यपुर थिमिया बोडया न्हय्गू, नगदेय्या छगू व थिमिया नीगू सम्पदा क्षेत्र व न्यागू अभौतिक सम्पदा परम्परागत व मौलिक प्याखं, जात्राया बारे चित्रकलापाखें सिर्जना याःगु खः । थुपिं चित्रकला संग्रहालयय् तयेफइगु नापं सफूया रुप बियाः संरक्षण तकं यायेफइगु वय्कलं कनादिल ।
८ वडा सचिव रञ्जन प्रजापतिं मध्यपु थिमि छगू कला संस्कृतिया निंतिं तःमि जूसां दस्तावेजीकरण जुइ मफुगुलिं कलाकारतय् ग्वाहालिं चित्रकलापाखें संरक्षणया कुतः यानागु खँ कनादिल ।
‘चित्रकलाय् मध्यपुरया सम्पदा’ नां बियाः जूगु चित्रकला कार्यशाला शनिवारीय स्थलगत चित्रकला कार्यशाला अभियानया सहकार्यय् जूगु खः । चित्रकला कार्यशाला जे ठ ३० गते क्वचाइ ।
LEAVE YOUR COMMENTS