साफया उपविजेता कासामितय्त सम्मान

एजेन्सी- नेपाल सरकारं बंगलादेशय् निला न्ह्यः जूगु १३ औं साफ च्याम्पियनसिप फुटबलया उपविजेता जूगु नेपाःया राष्ट्रिय फुटबल टिमया कासामितय्त प्रधानमन्त्री निवास बालुवाटारय् मंगलवाः सम्मान याःगु दु । प्रधानमन्त्री शेरबहादुर देउवां कासामितय्त सम्मान यासें म्हतिं न्यागू लाख तका नगद सिरपाः नं बिउगु खः । अथे हे प्रशिक्षकतय्त म्होति स्वंगू लाख सिरपाः बिउगु खः ।

प्रधानमन्त्री निवासय् जूगु ज्याझ्वलय् टिमया २३ म्ह कासामि, स्वम्ह प्रशिक्षक, टिम व्यवस्थापक व फिजियोयात सम्मान याःगु खः । राष्ट्रिय टिमया कप्तान किरण किरण चेम्जोङलिसें २३ म्ह कासामित, प्रमुख प्रशिक्षक अब्दुल्ला अलमुताइरी, प्रशिक्षकपिं किरण श्रेष्ठ व विकास मल्ल, टिम व्यवस्थापक मधुसुदन उपाध्याय व फिजियो अविष्कार पुडासैनीयात सम्मान याःगु खः ।

माल्दिभ्सय् वंगु अक्टोबरय् जूगु साफ च्याम्पियन्ससिपय् नेपाः न्हापांखुसी फाइनलय् थ्यंगु खः । साफया फाइनलय् नेपाः भारतलिसे ३–० गोलं बूगु खः ।