चुनावय् केन्द्रित जुइत देउवाया निर्देशन

येँ (नेपालभाषा टाइम्स)- प्रधानमन्त्री लिसे कांग्रेस सभापति शेरबहादुर देउवां याकनं हे स्वंगुलिं तहया निर्वाचन जुइगु जुयाः उकिया निंतिं तयारी यायेत नेता कार्यकर्तायात निर्देशन बिउगु दु ।

म्हिगः कांग्रेसया प्रदेश अधिवेशनया भच्र्युअल माध्यमं उलेज्या यानादिसें छुं ला लिपा स्थानीय तहया व दछिया दुने संघ व प्रदेशया निर्वाचन जुइगु धासें पार्टीया अधिवेशन क्वचायेवं चुनावपाखे केन्द्रीत जुइत निर्देशन बियादीगु खः । उकथं हे सम्बोधनया झ्वलय् प्रधानमन्त्री देउवां पार्टी दुनेया आन्तरिक चुनाव त्याइगु बुइगु स्वभाविक प्रक्रिया जूगु व लोकतान्त्रिक अभ्यास जूगु धासें वइगु न्हिं जनताया विश्वास त्याकेगु कथं चुनावय् केन्द्रीत जुइत इनाप यानादीगु खः ।