केशव स्थापित भौतिक पूर्वाधारमन्त्री

येँ – प्रदेश नम्बर ३ या मुख्यमन्त्री डोरमणि पौडेलं थःगु सरकार गठन याःगु दु । न्हय्गू मध्ये थ्वहे न्हापांगु सरकार खः । मुख्यमन्त्री पौडेलया सरकारय् गृह मन्त्री सरहया आन्तरिक मामिला मन्त्री माओवादीया सालिकराम जमरकट्टेल नियुक्त जूगु दु । वय्कः सरकारया निगूगु वरियताय् च्वनादीगु खः । अथे हे येँ मनपाया पुलांम्ह मेयर केशव स्थापितयात भौतिक पूर्वाधार मन्त्री दयेकूगु दु । मेपिं न्याम्ह मन्त्रीत लिपा सहलह यानाः जक नियुक्त याइगु खँ धाःगु दु ।