ख्वपया टौमढीइ पूर्ण रुपं चारपांग्रे सवारी निषेध

ख्वप – ख्वपया टौमढी चोक लागाय् म्हिगः माघ १ गतेनिसें ख्वप नगरपालिकां पूर्ण रुपं हे चारपांग्रे सवारी साधन निषेध याःगु दु । ख्वप नगरपालिकां नियमित रुपं न्ह्याकाच्वंगु बाःछिया छक्वः जुइगु १ गते व १५ गतेया सम्पदा क्षेत्र सफाई अभियान अन्तर्गत टौमढी लागाय् सरसफाई ज्याझ्वः तयाः थ्व घोषणा याःगु खः ।

न्हापां खौमा त्वालय् मुनाः अनं व्यानर सहित जुलुस यानाः वयाः टौमढी लागाय् थ्यंकाः सरसफाई ज्याझ्वः याःगु खःसा अनं आवंनिसें सुथय् ७ बजेनिसें बहनी ७ बजे तक १२ घण्टाया लागिं चारपांग्रे सवारी साधान निषेध याःगु खः । चारपांग्रे निषेध याःगु खँय् थीथी मिश्रित प्रतिक्रिया वःसां तबि नं आःयात बहनी व सुथय् न्हापां धाःसा तरकारी, दुरु व लः हइगु गाडी धाःसा मपनिगु जूगु दु ।

ख्वप नगर दुने थ्व स्वयां न्ह्यः विश्व सम्पदा स्थल लाय्कू लागाय् नं सवारी निषेध घोषणा याना लागू यानातःगु दु । आः अन ल्वहंया बार हे तयाः गाःहिति लागां व सुकुलध्वाखा लागां वये वने मछिनिगु यानाः सिखः हे व्यवस्था याःगु दु ।

 

सम्बन्धित बुखँ

LEAVE YOUR COMMENTS