आदर्शं जाःगु सरल जीवन सफू पितब्वज्या

येँ- वंगु शनिवाः जूगु छगू बःचाधंगु ज्याझ्वःया दथुइ ‘रामबहादुर मानन्धरया आदर्शं जाःगु सरल जीवन’या सफू पितब्वज्या जुल । कछलाथ्व सकिमिला पुन्हिकुन्हु जन्म जुयाः सकिमिला पुन्हिकुन्हु हे दिवंगत जुयादीम्ह मानन्धरया निदँया पुण्य तिथि लाकाः उगु सफू पितब्वज्या याःगु खः ।

केन्द्रीय मानन्धर संघया पुलांम्ह उपसभापति हरिओम मानन्धर मूपाहांकथं झायादीगु ज्याझ्वलय् वय्कःलिसें कवयित्री मय्जु प्रतिसरा साय्मि, च्वमि नापं नेपाल प्रज्ञा प्रतिष्ठानया प्राज्ञ सुलोचना मानन्धर, मदुम्ह मानन्धरया जहान भवानीदेवी मानन्धरं मंकाःकथं उगु सफू पितब्वज्या यानादीगु खः ।

प्रा. डा. भगवानदास मानन्धर व मय्जु शारदा मानन्धर सफू पितब्वज्या ज्याझ्वलय् थीथी व्यक्तित्वंपिंसं मदुम्ह मानन्धरया थीथी पक्षयात कयाः नुगःखँ तयादीगु खः ।