लाइसेन्स आवेदनं सर्भर जाम

येँ -सवारी साधनया लाइसेन्सया नितिं अनलाइन आवेदन चाःगु निन्हु लिपा हे बन्द जूगु दु । यातायात व्यवस्था विभागं सर्भरय् समस्या वःगु धासें लाइसेन्सया आवेदन बन्द याःगु खः । यक्वस्यां आवेदनया नितिं कुतः याःगुलिं सर्भरय् समस्या वःगु खः । विभागं सर्भरय् वःगु समस्या ज्यंकेत छुं ई काइगु खँ धाःगु दु ।

विभागं थःगु वेबसाइटय् सुचं तयाः वेबसाइट प्रणालीइ प्राविधिक समस्या खनेदुगुलिं मर्मतया नितिं आवेदन कायेगु ज्या दिकागु खँ धाःगु दु । विभागया कथं आवेदनया नितिं गुंगू लाख मनूतय्सं फारम भरे यायेत कुतः याःगु दु ।

कोरोना महामारीया कारणं वंगु वैशाखंनिसें बन्द जुयाच्वंगु लाइसेन्सया आवेदन वंगु सोमवाःनिसें चायेकूगु खःसा म्हीग बहनीनिसें सर्भरय् समस्या वःगु खः । आवेदन चायेवं अनलाइनपाखें स्वनिगलं आवेदन बिउपिंसं वइगु खुला लिपा जक ट्रायल व लिखित परीक्षा बीगु पाः वइगु खँ नं विभागं धाःगु दु । स्वनिगः पिनं आवेदन बिउपिंसं धाःसा लछि लिपा ट्रायल व लिखित परीक्षा बीफइगु खँ धाःगु दु ।

सम्बन्धित बुखँ

LEAVE YOUR COMMENTS