नेवाः–ताम्सालिङ सिडिओयात ज्ञापन पौ बीगु

येँ- नेवाः ताम्सालिङ समन्वय समितिं वइगु भाद्र १३ गते बुधवाः ३ नम्बर प्रदेश अन्तर्गतया झिंस्वंगुलिं जिल्लाया प्रमुख जिल्ला अधिकारीपिंत नापलानाः प्रदेश नं. ३ या नां नेवाः–ताम्सालिङ तयेगु निंतिं ज्ञापनपत्र बीगु जूगु दु । नेवाः ताम्सालिङ समन्वय परिषदया ग्वसालय् जिल्ला प्रशासन ज्याकू घेराऊ यानाः ज्ञापन पौ लःल्हायेगु क्वःछिउगु खः ।

समन्वय समितिं थीथी जिल्लाय् अभियानकर्ता छ्वयेगु नं क्वःछिउगु दु । निर्णय कथं रसुवा जिल्लाय् कुमार योन्जन व अनुपसिं सुवाल, नुवाकोट जिल्लाय् शाक्य सुरेन व विजय लोप्चोन, धादिङ जिल्लाय् दिलमान पाख्रिन व राजभाई जकःमि, दोलखा जिल्लाय् रामकृष्ण ब्लोन व रञ्जना मास्के, मकवानपुर जिल्लाय् जयप्रसाद गोले व भगवान शाक्य, सिन्धुली जिल्लाय् मोहन गोले व माइलाबाबु द्योला, रामेछाप जिल्लाय् बाबु छिरिङ व सत्य नारायण डंगोल, सिन्धुपाल्चोक जिल्लाय् दिलीप महर्जन व दावा लामा, काभ्रे जिल्लाय् सूर्यमान दोङ व उमेश स्थापित थ्यनी । अथेहे मेमेगु जिल्लाय् नं प्रतिनिधि छ्वयेगु तयारी जुयाच्वंगु खँ नेवाः देय् दबूया नायः नरेश ताम्रकारं नेपालभाषा टाइम्सयात जानकारी बियादिल ।

सम्बन्धित बुखँ

LEAVE YOUR COMMENTS