यल मनपाय् थुगुसी नं निजी स्कुल दर्ता बन्द

येँ – यल महानगरपालिकां थःगु क्षेत्रय् थुगुसी नं न्हूगु निजी विद्यालययात सञ्चालन अनुमति मबीगु जूगु दु । नगर दुनेया विद्यालययात व्यवस्थित यायेगु धासें वंगु दँय् नं यल मनपां न्हूगु निजी विद्यालययात अनुमति मबिउगु खः । यल मनपा दुने म्होचा दुरीइ अप्वः निजी विद्यालय दुगुलिं उकियात व्यवस्थित यायेत न्हूगु शैक्षिक सत्रय् नं थप विद्यालययात अनुमति मबीत्यनागु खँ यल मनपां धाःगु दु ।

महानगर क्षेत्र दुने १८२ गू निजी व ४० गू सामुदायिक विद्यालय यानाः २२२ गू विद्यालय दु । आः सञ्चालन जुयाच्वंगु विद्यालययात गुकथं व्यवस्थित यायेगु धइगु बारे सहलह जुयाच्वंगु खँ यल मनपा शिक्षा विभागया अधिकारी महेन्द्रबहादुर क्षेत्रीं कनादीगु दु ।

वय्कःया कथं कुमारीपाटी, लगनखेल, जावलाखेलया दुने भागय् म्हो दुरीइ हे आपालंआपाः विद्यालय दु । वय्कलं निजी विद्यालययात व्यवस्थित यायेगु निंतिं सहलह जुयाच्वंगु खँ नं कनादीगु दु । आः म्हो जक विद्यार्थी दुगु विद्यालय व्यवस्थापन यायेगु निंतिं यल मनपां बः बियाच्वंगु खँ नं वय्कलं कनादिल ।

 

सम्बन्धित बुखँ

LEAVE YOUR COMMENTS