न्हूदँ हनेत थीथी उपसमिति

येँ – नेपाल संवत् ११४२ न्हूदँ हनेगु निंतिं थीथी उपसमिति नीस्वंगु दु । नेपाल संवत् न्हूदँ राष्ट्रिय समारोह समिति–११४२या नायः निरञ्जनरत्न शाक्यया सभापतित्वय् च्वंगु मुँज्यां नेपाल संवत् ११४२ न्हूदँ तःजिक हनेत थीथी उपसमिति नीस्वंगु खः ।

वइगु कछलाथ्व पारुकुन्हु न्हूदँ तःजिक हनेत झिंन्हय्म्हेसिया छगू व्यवस्थापन समिति नीस्वंगु दुसा थीथी नीगुंगू उपसमिति नीस्वंगु खः । समितिया नायः शाक्यया अध्यक्षताय् नीस्वंगु व्यवस्थापन समितिइ सुजीव वज्राचार्य, उमेश स्थापित, ज्योति शाक्य, अमृत मानन्धर, नविन मानन्धर, नानीहेरा महर्जन, पंच महर्जन, धर्मदेव महर्जन लगायतया च्वनादीगु दु ।

मुँज्यां संचार, आर्थिक, स्वयंसेवक, सांस्कृतिक बाजं समन्वय, देय्न्यंकंया न्हूदँ ज्याझ्वः धलः, डेलिगेशन, मिसा दुजः मनोनयन, नासः पुजा, मञ्च तथा माइक व्यवस्थापन, सांस्कृतिक ज्याझ्वः, गैर नेवाः परिचालन, ने.सं. ११४२ न्हिल्याः पौ प्रकाशन, जनकवि दुर्गालाल श्रेष्ठया भिंतुना म्येँ कासा, क्लब, संघसंस्था परिचालन, न्हूदँया मू नारा क्वःछिना उपसमिति गठन याःगु दु ।

अथे हे मेमेगु उपसमितिइ येँ महानगरपालिका ग्वाहालि, सल्लाहकार बैठक परिचालन, पत्राचार नसात्वँसा व मुँज्या थाय् व्यवस्थापन, सिनामंगल शंखधर ज्याझ्वः, न्हूदँ सम्बन्धी जानकारीमुलक सफू प्रकाशन, न्हूदँया ज्याझ्वः जानकारी सभा, भिंतुना सांस्कृतिक ¥याली मू ज्याझ्वः, माइन्युट पुस्तिका व्यवस्थापन, जातीय खलः, पुचः परिचालन, मिसा समन्वय, नेपाल संवत्या प्रवर्तक शंखधर साख्वाःया झ्वाता तयातःगु थाय्या धलः मुंकेगु, सांस्कृतिक बाजं व क्यपू देछालिसें भिंतुना सभा व ¥यालीया मू ज्याझ्वः धलः उपसमिति गठन याःगु दु ।

थुकथं हे न्हूदँ समारोह समितिइ गैर नेवाःतय्पाखें नं प्रतिनिधित्व याइकथं दुजलय् दुथ्याकाूगु दु । गैर नेवाः दुजलय् कृष्ण अर्याल, अजितमान तामाङ, दशरथ रिजाल, निसारुद्दिन, राजन गौतम, तारा गौतम, सुरज भँडेलयात दुथ्याकूगु दुसा क्रियाशील दुजःकथं सुमन साय्मि, सुरज महर्जन, सुमन श्रेष्ठ, मुकेश मास्के, गजेन्द्र मानन्धर, भगवान शाक्य, पवित्र कसाः, गौतम मानन्धर लगायतयात दुथ्याकूगु दु ।
समितिया मुँज्यां नेपाल संवत्या प्रवर्तक राष्ट्रिय विभूति शंखधर साख्वाया मूर्ति दयेकेगु, समितियात संस्थागत यायेगु निंतिं प्रक्रिया न्ह्याकेगु व न्हूदँ समारोह कोष स्वनेगु नं निर्णय याःगु दु ।