इटालीया अपराजित यात्रा त्वाःथलाः स्पेन नेशन्स लिग फुटबलया फाइनलय्

एजेन्सी- इटालीया ३७ गू कासा तकया अपराजित यात्रा त्वाःथलाः स्पेन नेशन्स लिग फुटबलया फाइनलय् थ्यंगु दु । सन् २०१९ या सेप्टेम्बरय् पोर्चुगललिसे बूगु इटालीया अपराजित यात्रा त्वाःथलेगु झ्वलय् स्पेनं इटालीयात २–१ गोलं बुकूगु खः ।

बुधवाः बहनी जूगु कासाय् झिम्ह कासामिइ सीमित जूगु इटालीयात बुकेगु निंतिं स्पेनया फेरान टोरेसं निगू गोल याःगु खः । टोरेसं निगुलिं गोल न्हापांगु हाफय् याःगु खः । इटालीया नितिं लरेन्जो पेलेगिन्रीं छगू गोल याःगु खः।