प्रयागराज सिंह सुवाल स्मृति फुटसल ११, १९, १५ व ८ वडा त्यात

येँ (नेपालभाषा टाइम्स)- प्रयागराज सिंह सुवाल स्मृति अन्तर वडा फुटसल धेंधेंबल्लाःया बिहिवाः जूगु कासाय् ११, १९, १५ व ८ वडा त्याःगु दु । बिहिवाः जूगु कासाय् ११ वडां २९ वडायात १–० गोलं, १९ वडां २ वडायात, १५ वडां ६ वडायात व ८ वडां ३१ वडायात बुकूगु खः ।

११ वडां त्याकेगु झ्वलय् विक्रम महर्जनं छगू जक निर्णायक गोल याःगु खःस १९ व २ वडा दथुया कासा १–१ गोलया बराबरी जुइवं टाइब्रेकरय् वंगु खः । टाइब्रेकरं १९ वडा ३–२ गोलं त्याःगु खः । अथेहे १५ वडां ६ वडायात २–० गोलं व ८ वडा ३१ वडायात ३–२ गोलं बुकूगु खः ।

त्याःगु प्यंगुलिं टिम प्रिक्वार्टर फाइनलय् थ्यंगु दु । शुक्रवाः ७ वडा व ३२ वडा दथुइ, १ वडा व २७ व डा दथुइ, २५ वडा व १७ वडा दथुइ व २० वडा व ९ वडा दथुइ धेंधेंबल्लाः जुइ ।

नकआउटया आधारय् जुयाच्वंगु थ्व धेंधेंबल्लाखय् येँ महानगरपालिका अन्तर्गतया स्वीगू वडा व केन्द्र यानाः स्वीछगू टिमं ब्वति कयाच्वंगु दु ।