शाओमी ११ लाइट एनइ बजारय्

येँ -शोओमीया फाइभ जी मोबाइल शाओमी नेपाल ११ लाइट एनइ नेपाली बजारय् वःगु दु । शाओमी ११ सिरिजयात अझ विस्तार याना यंकेगु झ्वलय् ११ लाइट एनइ मोबाइल बजारय् हःगु खः । १२ फाइभ जी ब्याण्ड सपोर्ट याइगु थ्व मोबाइलय् क्वालकम स्न्यापड्रागन ७७८ जीया लिसें सुधार जूगु सफ्टवेयर दइगु खँ धाःगु दु । डोल्बी भिजन दुगु थ्व मोबाइल १० बिटया न्हापांगु स्मार्टफोन नं खः ।

थ्व फोनयात सन् २०२१ या दकलय् चिफिगु व हलुका फोन कथं कयातःगु दु । थ्व फोनया तौल मुक्कं १५८ ग्राम जक दु ।

थ्व फोनय् ६४ मेगापिक्सेलया प्राइमरी क्यामेरा लिसें छगः ट्रिपल क्यामेरा सेटअप सुविधा, ८ मेगापिक्सेलया अल्ट्रा वाइड एङ्गल व ५ मेगापिक्सेल टेली–म्याक्रो क्यामेरा दु । थुकी छगः २० मेगापिक्सेलया फ्रन्ट क्यामेरा नं दु, गुकिं सेल्फी कायेत व उच्च रिजोलुसनया भिडियो कलया निंतिं ग्वाहालि याइ ।

नेपालय् ८ जिबीं२५६ जिबीया भाः ४८,९९९ तका व ८ जीबीं१२८ जीबीया भाः ४५,९९९ तका तयातःगु दु ।